Plantun de Prouvènço

Pèr coumpara dos planto d'encò nostre

Ranunculus gramineus & Raphanus sativus

Ranunculus gramineus

Ranunculaceae

Nom en français : Renoncule à feuilles de graminée.

Descripcioun :
Lou ranouncle-di-fueio-de-gramenun trachis dins li pelouso de cresten de nòsti colo e de basso mountagno. Fai de flour jauno pulèu grando alor que li fueio soun proun longo e primo. Se recounèis peréu à sis akène en tèsto d'iòu e lusènt.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 2,5 à 3,5 cm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à jun

Liò : Tepiero roucaiouso - Roucas - Pelouso
Estànci : Subremediterran à Mountagnard
Couroulougi : Eurimediterrano
Ref. sc. : Ranunculus gramineus L., 1853

Rais-fort

Raphanus sativus

Brassicaceae Cruciferae

Àutri noum : Reifort, Reifouert, Ravanet, Rifouort, Raifouort.

Nom en français : Radis cultivé.

Descripcioun :
Lou rais-fort es uno planto bèn couneigudo qu'èi cultivado desempièi de tèms (-4000 an) ; nous vèn de Mesoupoutamìo. S'atrovo dins d'ancian champ cultiva e d'aqui d'eila. Lou metèn eici pèr moustra la diferènci emé la ravanello qu'es un ravanet fèr que se vèi peréu dins li culturo (R. raphanistrum subsp. raphanistrum). La diferènci s'atrovo dins la taio di silico proun larjo, e dins la coulour di flour pas jamai jauno (blanco o souvènt roso).

Usanço :
Sabès que li racino soun goustouso bèn fresco, mai, de segur tout se pòu manja dins lou rais-fort. Li grano fan un bon sabourun. Se fasié béure de jus de reifouort is enfant qu'avien la caraco (coucoulucho).

Port : Grando erbo
Taio : 15 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Raphanus
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 1 à 1,5 cm
Flourido : Printèms - Estieu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Culturo
Estànci : Termoumediterran à Mountagnard
Couroulougi : Óurigino euromediterrano
Ref. sc. : Raphanus sativus L., 1753 (= Raphanus raphanistrum subsp. sativus )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Ranunculus gramineus & Raphanus sativus

ges

Coumpara Ranouncle(-di-fueio-de-gramenun) emé uno autro planto

Coumpara Rais-fort emé uno autro planto